وكالة تليسكوب الاخبارية
تقول الاخصائية التربوية نايمان عريقات عند البحث عن مدرسة لأولادك بحب أذكركم ب ٥ أمور تجنبوها :
١. لا تبني قرارك بناء على صفحات المدرسة بمواقع التواصل الاجتماعي لأن الصفحات بتعرض جانب محدود جدا وبكون مجمّل وتسويقي.
٢. لا تصطحب ابنك عند أول زيارة حتى تتجنب إمكانية انه يحب المدرسة وانت مقرر عدم التسجيل فيها.
٣. لا تبني قرارك حتى لو ٥٠% على رأي قريب أو صديق لك بالمدرسة لأنه الأمور اللي ببحث عنها لأولاده بتختلف عن ما تبحث عنه لأولادك وأيضا احتياجات أولاده تختلف عن احتياجات أولادك
٤.لا تخجل من الاستفسار عن أي أمر لأنه هاد حقك والمدرسة واجبها تجاوبك وبشدد على هالنقطة عن ضرورة سؤالك عن ترخيص المؤسسة في حال كنت بتبحث عن حضانة أو روضة مستقلة غير تابعة لمدرسة، لأنه في حال حدث أي أمر لا قدّر الله مافي أي اجراء قانوني بتقدر تاخده بحقهم !
٥. لا تتوقع انه في مدرسة كاملة فبعد بداية السنة طبيعي تحدث المشاكل لكن المهم كيف المدرسة بتتعامل معك وكيف بتحل هالمشكلة.
عن شو بتحبو تسألو بموضوع اختيار المدرسة الأنسب لأولادكم؟
#الاردن